அதிரல்- Athiral

10  அதிரல்

சங்க இலக்கியம்

 எட்டுத்தொக
                          அகநானூறு

 அதிரல் பரந்த அம் தண் பாதிரி  – 99:6
 எல்லி மலர்ந்த பைங்கொடி அதிரல் –157:6
  கொய்குழை அதிரல் வைகுபுலர் அலரி    – 213:4
  நன்முகை அதிரல் போதொடு குவளைத்  – 223:14
  நுண்கொடி அதிரலொடு நுணங்குஅறல் வரிப்ப 
   வேனில் அதிரலொடு விரைஇ, காண்வர  - 261:2
    உயர்பதுக்கு இவர்ந்த ததர்கொடி அதிரல் - 289:2
  வரி மென் முகைய நுண் கொடி அதிரல்  - 391:2
   வேனில் அதிரல் வேய்ந்த நின் - 393:26  

                            புறநானூறு

குயில்வாய் அன்ன கூர்முகை அதிரல் –  26

ஐங்குறுநூறு

       புதுப்பூ அதிரல் தா அய்க் – 345 - 2

 நற்றிணை

     மாக் கொடி அதிரற் பூவொடு பாதிரித் – 52:1
        முகை வீ அதிரல் மோட்டு மணல் எக்கர், – 124:4
முதிரா வேனில் எதிரிய அதிரல் - 337:3

பரிபாடல்

  அதிரல் அம் கண்ணி நீ அன்பன் எற்கு அன்பன் – 20:81

          பத்துப்பாட்டு

                               குறிஞ்சிப் பாட்டு

      செருந்தி, அதிரல், பெருந்தண் சண்பகம், - 75

          முல்லைப்பாட்டு

அதிரல் பூத்த ஆடு கொடிப் படாஅர் – 51

இலக்கியங்களின் தாவரயியல் பெயர்

பைங்கொடி அதிரல் வேம்பற்றூர்க் குமரனார்

நுண்கொடி அதிரல் காவன் முல்லைப் பூதனார்

நன்முகை அதிரல் பெருங்கடுங்கோ

ததர்கொடி அதிரல் இளங்கீரனார்

புதுப்பூ அதிரல் ஓதலாந்தையார்

வேனில் எதிரிய அதிரல் பெருங்கடுங்கோ

கூர்முகை அதிரல் ஔவையார்

கொய்குழை அதிரல் தாயங்கண்ணனார்

மாக்கொடி அதிரல் பாலத்தனார்

முகைவீ அதிரல் மோசி கண்ணத்தனார்

அதிரல்

Derris scandens 

Classification	Name	வகைபாடு	தாவரத் தகவல் மையப் பெயர்
Kingdom	PLANTAE	உலகம்	தாவரம்
Phyllum	ANGIOSPERM	இனம்	பூக்கும் தாவரம்
Division	DICOTYLEDONAE	தலைமுறை	இரு வித்திலை
Class	POLYPETALAE	வகுப்பு	விரி மலர் தாவரம்
Sub Class	CALYCIFLORAE	குலம்	சூலகம் சூழ்ந்த மலர்
Order	FABALES	தலைக்கட்டு
Family	FABACEAE Lindl. Old Family - PAPILIONACEAE	குடி	அவரை குடி
Genus	Derris Lour. Old Genus - Brachypterum, Dalbergia, Deguelia, Galedupa, Millettia	பிறவி	அதிரல்
Species	scandens (Roxb.) Benth.	பெயர்வழி	நுண் கொடி
Botanical Name	Derris scandens (Roxb.) Benth.	தாவரவியல் பெயர்	நுண்கொடி அதிரல் காவன் முல்லைப் பூதனார்
Synonym	8 - Synonyms	வேறு அறிவியல் பெயர்கள்
Habit	Climber	வளரியல்பு	கொடி

செடிகொடிகளின் பண்புகள்

வளரியல்பு : வளைந்து படரும் குறுஞ்செடி/பெருங்கொடி 10 மீட்டர் நீளம் வரை படர்ந்து வளரக்கூடியவை.
இலைகள் : சுமார் 10 செ.மீ. நீளமானது, சிற்றிலைகள் 5/6 வரை இரட்டைகளாக இருக்கும். நீண்டு உருண்ட-தலைகீழ் முட்டை வடிவம் போன்றது, ஏறக்குறைய 1-5 * 0.7-2.5 செ.மீ. பரப்பளவுடையவை.
மஞ்சரி : மலர்க்கொத்துகள் (Panicle) சுமார் 15 செ.மீ. நீளம் வரை இருக்கும்.
மலர்கள் : சுமார் 6 மி.மீ. குறுக்களவுடையது. அல்லியிதழ்கள் இளம்மஞ்சள் நிறமுடன் காணப்படும்.
விதைக்கனி : இருபுற வெடிகனி (Pod) நீண்டு உருண்டது, உரோமங்களற்றது, கொத்துக்களில் நெருக்கமாகக் காணப்படும். ஏறக்குறைய 6.5 * 1 செ.மீ. நீளமானது.
விதைகள் : கனிகள் ஒவ்வொன்றிற்கும் 5 விதைகளைக் கொண்டது, சிறகுள்ளவை.
பூக்கும் பருவம் : மலர்கள் ஜூலை முதல் ஆகஸ்ட் வரை பூக்கும்.
காய்க்கும் பருவம் : கனிகள் ஆகஸ்ட் மாதத்திலிருந்துக் காய்க்கும்.
வாழ்விடம் : சமவெளிகள், கடற்கரை, முட்புதர்க்காடுகள், ஆற்றங்கரைகள், போன்ற இடங்களில் வளரக்கூடியவை. பாலாக்காட்டில் 750 மீட்டர் உயரமானப் பகுதிகளிலும் வளர்கின்றன. வளரிடங்களில் அதிகமாகக் காணப்படும்.
பரவியிருக்குமிடம் : இந்தியா, இலங்கை, கிழக்கு மற்றும் தெற்கு ஆசியா, வடக்கு ஆஸ்திரேலியா போன்ற இடங்களில் காணப்படும்.

இரா. பஞ்சவர்ணம்

மேனாள்  தலைவர், பண்ருட்டி நகராட்சி,

நிறுவனர், தாவரத் தகவல் மையம், பண்ருட்டி.